«Китап белән кояшлы очрашулар»: әдәби ярминкә (6+)

14 июнь көнне Җиңү паркында Үзәк балалар китапханәсе «Китап белән кояшлы очрашулар» әдәби ярминкәсе уздырды.

Чарада 22 нче мәктәп яны лагере балалары һәм бу көнне паркка балалары белән йөрергә чыккан шәһәрдәшләр катнашты. Ярминкә Халык сәнгате һәм Россия халыкларының матди булмаган мәдәни мирасы елы кысаларында үтте. Петрушка һәм Зирәк Василиса балаларны күңелле җыр-такмаклар белән каршы алды. Алар белән бергә кызлар һәм малайлар гаҗәеп халык иҗаты һәм фольклорының тылсымлы дөньясына юл тотты. Балалар тизәйткечләр бәйгесендә катнашты, төрле халыкларның борынгы табышмакларын чиште, «Тиздән әкият сөйләнәчәк» викторинасы сорауларына җавап бирде. «Алтын капка», «Әтәчләр сугышы» халык уеннары һәм «Яңгыравык бубен» әйлән-бәйлән уены шау-шулы һәм күңелле узды, аның барышында балалар күп җырлар җырлады һәм үз сәләтләрен күрсәтте. Дустанә рух, җылы кояшлы көн әдәби ярминкәне балалар өчен дә, өлкәннәр өчен дә күңелле һәм онытылмас итте.